ထမင်းပို့၊ ဟင်းပို့မှသည် ရှေ့တန်းပျော် CDM ရဲသားကြီး ဂျိုးလေး

News

ထမင်းပို့၊ ဟင်းပို့မှသည် ရှေ့တန်းပျော် CDM ရဲသားကြီး ဂျိုးလေး

ရန်ကုန်၊ ဇွန် (၉)လူငယ့်ခေတ်

မြူနှင်းများဝေနေသည့် ဆောင်းမနက်ခင်းတစ်ခု၌ အသက် (၂၀) ခန့်အရွယ် ရဲတပ်သားတစ်ဦး စိုးရိမ်ထိတ်လန့်မှုများဖြင့် ရဲစခန်းဝန်းအတွင်းမှ ထွက်လာသည်။
၎င်းထွက်လာသည့်နေရာက ကရင်ပြည်နယ်၊ သံတောင်ကြီးမြို့နယ်၊ ယာဒိုရဲကင်း။

သူနှင့်အတူပါလာသည်က တစ်မြို့နယ်လုံးရှိ ရဲတပ်ဖွဲ့ဝင်များအနက် စုစုပေါင်း (၃) လက်တည်းသာရှိသည့် စက်သေနတ်များအနက်က (၁) လက်နှင့်အတူ ဒါဇင်နှင့်ချီသည့် ကျည်ဆံများ။

ထိုလူငယ်ရဲတပ်သားမှာ ဂျိုးလေး (ခေါ်) ကိုပြည့်ဖြိုးလင်းဖြစ်ပြီး ၂၀၂၁ ခုနှစ် ဒီဇင်ဘာလ (၂) ရက်နေ့မနက်တွင် ရဲကင်းစခန်းကို စွန့်ခွာ၍ ပြည်သူနှင့်ပူးပေါင်းရန် ၎င်း၏ CDM ခရီးရှည်ကို စတင်ခဲ့ခြင်းဖြစ်သည်။

“သယ်လာရတုန်းက မလွယ်ဘူး၊ ကိုယ့်ကို စစ်တပ်ကတွေ့ရင် ပစ်မှာလည်းကြောက်တယ်။ ရဲတွေက အနောက်က လိုက်ပစ်မှာလည်း ကြောက်တယ်”ဟု ဂျိုးလေးက ပြောပြသည်။

ထိုသေနတ်ကို ရဲစခန်း၌လူမရှိသည့်အချိန်နှင့်ကိုက်၍ ယူဆောင်ကာ တောင်ပေါ်တက်ပြေးခဲ့ခြင်းဖြစ်ပြီး သယ်ယူရသည်မှာ လေးလွန်းသည့်အတွက် ၎င်းအတွက် အခြားမည်သည့်ပစ္စည်းမျှ မယူဆောင်နိုင်ခဲ့ပေ။နှင်းတစိုစိုဖြင့်ပြေးခဲ့ရခြင်းကြောင့် လမ်း၌ဖိနပ်ပြတ်ခဲ့ပြီး ခြေတုံးလုံးဖြင့် ဆက်ပြေးခဲ့ရကာ စုစုပေါင်း အချိန် (၂) နာရီခွဲကျော် ကြာမြင့်ခဲ့သည်။

“လမ်းမှာ ဖာလာပင်တွေနဲ့ ဆူးပင်တွေနဲ့ အများကြီး။ ကျွန်တော်ဒီရောက်တော့ ခြေထောက်ထဲကနေ ဆူးတွေထုတ်တာ အချောင်း (၃၀) ကျော်တယ်”ဟု ဂျိုးလေးက ရယ်မောလျက်ပြန်ပြောပြသည်။

ယခုကဲ့သို့ပြန်ပြောပြနေသည့် ဂျိုးလေးသည် ၎င်း (၉)တန်းအောင်ပြီးနောက် ရဲတပ်ဖွဲ့သို့ဝင်ရောက်ခဲ့ပြီး ရဲတပ်ဖွဲ့အတွင်းမှပင် ဆယ်တန်းဖြေဆိုကာ တက္ကသိုလ်ဆက်တက်မည်ဟု ရည်မှန်းထားခဲ့သည်။

တက္ကသိုလ်မှ ဘွဲ့ရပြီးချိန် ရဲတပ်ဖွဲ့မှထွက်ပြီး ကိုယ်ပိုင်စီးပွားရေးလုပ်ရန် ရည်မှန်းထားခဲ့သော်လည်း ၎င်းဝင်ပြီးသိပ်မကြာမီ စစ်တပ်ခေါင်းဆောင် မင်းအောင်လှိုင်၏အာဏာရူးမှုကြောင့် အိပ်မက်များမှာ နေထွက်လာချိန် ပျောက်ကွယ်ရသည့် မြူနှင်းများသဖွယ်ဖြစ်ခဲ့ရသည်။

မင်းအောင်လှိုင်အာဏာသိမ်းပြီးနောက် အချိန်ကြာလာသည်နှင့်အမျှ ပြည်သူလူထုကို နှိပ်စက်သတ်ဖြတ်မှု အများအပြားဖြစ်လာသည်ကို ဂျိုးလေးအနေဖြင့် မကြည့်ရက်နိုင်တော့။

ထို့ကြောင့် ကရင်နီ(ကယား)ပြည်နယ်အခြေစိုက် တော်လှန်ရေးအဖွဲ့တစ်ခုဖြစ်သည့် Karenni Generation Z (KGZ) အဖွဲ့နှင့်ကြိုတင်ချိတ်ဆက်ပြီး CDM စဝင်ခဲ့သည်။

၂၀၂၁ ဆောင်းတွင်းမနက်ခင်းက စခန်းကိုစွန့်ခွာလာချိန် ကြောက်စိတ်များရှိခဲ့သည့် ဂျိုးလေးသည် (KGZ) အဖွဲ့ ထံရောက်ပြီးနောက် ထိုကြောက်စိတ်များပျောက်ကာ ရှေ့တန်းသို့ပင်ထွက်ချင်နေခဲ့သည်ဟု ဆိုသည်။KGZ သို့ ၎င်းဝင်ရောက်ချိန် ဂုဏ်ပြုချီးမြှင့်ငွေ သိန်း (၃၀) ရရှိခဲ့သည်။

“သူက CDM ဆိုတော့ အစပိုင်းသူကို ခဏလေး ထိန်းသိမ်းထားတယ်ပေါ့။ တစ်လ၊ နှစ်လလောက်ကြာတော့ယုံကြည်မှု နည်းနည်းပါးပါးရလာတော့ ကျွန်တော်တို့ သူ့ကို ရှေ့တန်းတွေဘာတွေပို့တယ်”ဟု KGZ အဖွဲ့၏ ဒုတိယအတွင်းရေးမှူး ဗိုလ်စောက ဂျိုးလေးဝင်လာပုံအကြောင်း ပြောပြသည်။

ထို့နောက် ဂျိုးလေးအနေဖြင့် ရှေ့တန်းစစ်မြေပြင်သို့ ထောက်ပို့ တပ်သားအဖြစ် စတင်ဝင်ရောက်ခဲ့သည်။“ကျွန်တော်ရှေ့တန်းစလိုက်ရတုန်းကတော့ သေနတ်လည်းမရှိဘူးပေါ့ဗျာ။ ကျည်ဆံလွယ်အိတ်လေး လွယ်ပြီးတော့ သူတို့ပစ်နေ၊ ခတ်နေတဲ့ ရှေ့တန်းအထိ ကျည်ဆံတွေသွားပို့တယ်၊ ရေသွားပို့တယ်၊ ထမင်းတွေသွားပို့တယ်”ဟု ဂျိုးလေးက ပြောသည်။

ရှေ့တန်းစထွက်ပြီးနောက် ဆရာသမားဖြစ်သူတို့၏ သင်ပြမှုများကြောင့် တိုက်ပွဲများအတွင်း စနိုက်ပါဖြင့်ပါ ပစ်ခတ်မှုများ လုပ်လာနိုင်ခဲ့သည်။ရှေ့တန်းအတွက် ထောက်ပို့လုပ်လာခဲ့သူအနေဖြင့် လက်ရှိအချိန်တွင် တိုက်ပွဲများစွာကို ဆင်နွှဲခဲ့ပြီး တိုက်ပွဲမည်မျှဆင်နွှဲခဲ့သည်ကို ရေတွက်ရန်မလွယ်ကူတော့ဟု ဆိုသည်။

“ကျွန်တော်ခံယူချက်ကတော့ ပြည်သူလူထုကိုထိတာကို နည်းနည်းလေမှမကြိုက်ဘူး၊ အရင်တုန်းကတော့ မသိခဲ့ဘူးပေါ့။ ဒီကယားပြည်နယ် KGZ အဖွဲ့ထဲကိုစရောက်တော့ အိမ်တွေကိုမီးရှို့တယ်၊ ပြည်သူလူထုကို အကြောင်းမဲ့သတ်ဖြတ်တယ်။ ပိုပြီးတော့စိတ်နာတယ်ဗျာ၊ ပိုပြီးတော့ နာကျည်းတယ် စစ်တပ်ကို”ဟု ၎င်းက ပြောသည်။

၎င်းကြုံတွေ့ခဲ့ရသည့် တိုက်ပွဲများအနက် နာရီနှင့်ချီသည့် တိုက်ပွဲကြီးများ၊ ဒီးမော့ဆိုရဲစခန်းကို တိုက်ခိုက်သည့် တိုက်ပွဲများအပြင် အခြားတိုက်ပွဲကြီးများကိုလည်း ဝင်နွှဲခဲ့သည်ဟု အားရစွာပြောပြသည်။တိုက်ပွဲများအတွင်း ၎င်းယူဆောင်လာခဲ့သည့် မြို့နယ်အတွင်း (၃) လက်သာရှိသည့် စစ်ကောင်စီရဲတပ်ဖွဲ့၏ စက်သေနတ်ကလည်း အကျိုးအင်မတန်ရှိလှသည်။

“ဒီစက်လက်က ပွဲတစ်ပွဲလုံးကို ထိန်းနိုင်တဲ့အနေအထားဗျ”ဟု ဂျိုးလေးက ပြောသည်။လက်ရှိအချိန်၌ ၎င်းကို တော်လှန်ရေးရဲဘော်များက အချင်းချင်း ဂျိုးလေးဟု မခေါ်ဘဲ CDM ဟုသာ ခေါ်ကြသည်။

CDM လုပ်လာပြီးမှ အကြမ်းဖက်စစ်ကောင်စီတပ်ကိုအမြစ်ဖြတ်ချင်ပြီး ရှေ့တန်းထွက်ချင်လွန်းလှသည့် ဂျိုးလေးအနေဖြင့် အသည်းနှလုံးမာလွန်းလှသူမဟုတ်ပေ။
မိခင်ဖြစ်သူမှာ ဆုံးပါးသွားပြီး ဖခင်သာရှိတော့သူဖြစ်သည့်၎င်းအတွက် ရှေ့တန်းတစ်နေရာ၌တွေ့ခဲ့ပြီး တကောက်ကောက်လိုက်လာသည့် ခွေးပေါက်လေး (၃) ကောင်ကို စခန်းသို့ ခေါ်ယူမွေးစားခဲ့သည်။ထိုခွေးလေးများကိုလည်း ဂျက်ကီ၊ မဲလုံးနှင့် ဗထူးဟူ၍ နာမည်ပေးခဲ့သည်။

ထိုကဲ့သို့ သူစိမ်းခွေးလေးများကိုပင် ချစ်မြတ်နိုးသည့် ဂျိုးလေးအတွက် ရင်းနှီးခဲ့သည့် ဆရာနှင့် ရဲဘော်များ မျက်စိရှေ့၌ပင် သေဆုံး၊ ထိခိုက်မှုများရှိခဲ့ခြင်းကြောင့် ဝမ်းနည်းပက်လက် ဖြစ်ခဲ့ရသည်။“ဒီလိုအခြေအနေမျိုးတွေကျတော့လည်း ကိုယ့်တိုင်းရင်းသား၊ ကိုယ့်လူမျိုးတွေအတွက် တာဝန်ကျေသွားတယ်လို့ သဘောထားပြီး ဖြေသိမ့်တယ်ဗျ”ဟု ဝမ်းနည်းစွာဖြင့် ထစ်ထစ်ငေါ့ငေါ့ ပြန်လည် ဖြေကြားခဲ့သည်။

၎င်းစိတ်ပါဝင်စားသည်မှာ စက်ပစ္စည်းများ ပြုပြင်၊ တပ်ဆင်ရခြင်းဖြစ်ပြီး တော်လှန်ရေးပြီးလျှင် ၎င်းမိသာစုနှင့် ပျော်ပျော်ရွှင်ရွှင်ပြန်နေချင်သည်ဟု ဆိုသည်။ထိုကဲ့သို့ စက်ပစ္စည်းများ ပြုပြင်ရသည်ကို ဝါသနာပါသည့် ဂျိုးလေးသည် အဖွဲ့အတွင်း ရောက်သည့်အချိန် စက်ပစ္စည်းပြင်ရသည်ထက် ရှေ့တန်းထွက်ချင်သည့်စိတ်က ပိုများနေသောကြောင့် ရှေ့တန်းသို့သာ ဆက်တိုက်ထွက်နေသည်။

“ကျွန်တော်က စစ်ကောင်စီ အမြစ်မြန်မြန်ပြတ်နိုင်ဖို့က ပိုအရေးကြီးတယ်ထင်လို့ ရှေ့တန်းမှာ သွားလာလှုပ်ရှားပြီးတော့ ရှေ့တန်းမှာပဲအနေများတယ်”ဟု ဂျိုးလေးက ပြောသည်။ယခု အင်တာဗျူးဖြေချိန်၌လည်း ၎င်းရှေ့တန်းမှ ပြန်ရောက်၍ အနားရနေသည့်အချိန်ဖြစ်သောကြောင့် ဖြေခွင့်ရခြင်းဖြစ်သည်ဟု ဆိုသည်။
“KGZ အဖွဲ့နဲ့ သူနဲ့လည်း အပြည့်အဝယုံကြည်မှုရှိတယ်ပေါ့နော်။ တိုက်ပွဲဝင်တဲ့အနေအထားကတော့ ကောင်းတယ်။ KGZ အဖွဲ့သားတွေနဲ့လည်း အတူတူပေါ့ အဲလိုအနေအထားတော့ ရှိတယ်”ဟု KGZ ၏ ဒုတိယအတွင်းရေးမှူး ဗိုလ်စောက ဂျိုးလေးအပေါ် ၎င်း၏ အမြင်ကို ပြောသည်။

ထိုကဲ့သို့ အဖွဲ့သားများနှင့် ယုံကြည်မှု၊ အပြန်အလှန်နားလည်စိတ်များရှိခဲ့သော်လည်း အထွေးဆုံးသားဖြစ်သည့် ၎င်းကို အမ(၃) ယောက်၊ အကို (၃) ယောက်က CDM လုပ်ပြီးနောက် အဆက်အသွယ်မလုပ်တော့ပေ။“သူတို့က ကျွန်တော် CDM လုပ်တာ သဘောမကျကြဘူး၊ အဲတော့ ဘယ်သူမှ အဆက်အသွယ် မလုပ်ကြတော့ဘူး”ဟု ဂျိုးလေးက ပြောသည်။

သို့သော်လည်း ၎င်းက ပြည်သူဘက်မှရပ်တည်၍ CDM လုပ်ရန်ရည်ရွယ်ထားသူများနှင့် ပြည်သူများကို ယခုကဲ့သို့ တိုက်တွန်းထားသည်။“CDM မလုပ်သေးတဲ့ ညီအကိုတွေအားလုံး၊ CDM အမြန်ဆုံးလုပ်ပေးကြပါလို့ တောင်းဆိုချင်ပါတယ်။ ကျွန်တော်တို့က ပြည်သူလူထုကို အားကိုးပြီးနေနေရတာဆိုတော့ ဒီထက်မကပေါ့နော် မည်သည့်အဖွဲ့ကိုမဆို တတ်နိုင်သမျှ ပါဝင်ပေးကြပါလို့ ပြည်သူလူထုကို တောင်းဆိုချင်ပါတယ်ဗျ”

Crd

Unicode

ထမင်းပို့၊ ဟင်းပို့မှသည် ရှေ့တန်းပျော် CDM ရဲသားကြီး ဂျိုးလေး

ရန်ကုန်၊ ဇွန် (၉)လူငယ့်ခေတ်

မြူနှင်းများဝေနေသည့် ဆောင်းမနက်ခင်းတစ်ခု၌ အသက် (၂၀) ခန့်အရွယ် ရဲတပ်သားတစ်ဦး စိုးရိမ်ထိတ်လန့်မှုများဖြင့် ရဲစခန်းဝန်းအတွင်းမှ ထွက်လာသည်။
၎င်းထွက်လာသည့်နေရာက ကရင်ပြည်နယ်၊ သံတောင်ကြီးမြို့နယ်၊ ယာဒိုရဲကင်း။

သူနှင့်အတူပါလာသည်က တစ်မြို့နယ်လုံးရှိ ရဲတပ်ဖွဲ့ဝင်များအနက် စုစုပေါင်း (၃) လက်တည်းသာရှိသည့် စက်သေနတ်များအနက်က (၁) လက်နှင့်အတူ ဒါဇင်နှင့်ချီသည့် ကျည်ဆံများ။

ထိုလူငယ်ရဲတပ်သားမှာ ဂျိုးလေး (ခေါ်) ကိုပြည့်ဖြိုးလင်းဖြစ်ပြီး ၂၀၂၁ ခုနှစ် ဒီဇင်ဘာလ (၂) ရက်နေ့မနက်တွင် ရဲကင်းစခန်းကို စွန့်ခွာ၍ ပြည်သူနှင့်ပူးပေါင်းရန် ၎င်း၏ CDM ခရီးရှည်ကို စတင်ခဲ့ခြင်းဖြစ်သည်။

“သယ်လာရတုန်းက မလွယ်ဘူး၊ ကိုယ့်ကို စစ်တပ်ကတွေ့ရင် ပစ်မှာလည်းကြောက်တယ်။ ရဲတွေက အနောက်က လိုက်ပစ်မှာလည်း ကြောက်တယ်”ဟု ဂျိုးလေးက ပြောပြသည်။

ထိုသေနတ်ကို ရဲစခန်း၌လူမရှိသည့်အချိန်နှင့်ကိုက်၍ ယူဆောင်ကာ တောင်ပေါ်တက်ပြေးခဲ့ခြင်းဖြစ်ပြီး သယ်ယူရသည်မှာ လေးလွန်းသည့်အတွက် ၎င်းအတွက် အခြားမည်သည့်ပစ္စည်းမျှ မယူဆောင်နိုင်ခဲ့ပေ။နှင်းတစိုစိုဖြင့်ပြေးခဲ့ရခြင်းကြောင့် လမ်း၌ဖိနပ်ပြတ်ခဲ့ပြီး ခြေတုံးလုံးဖြင့် ဆက်ပြေးခဲ့ရကာ စုစုပေါင်း အချိန် (၂) နာရီခွဲကျော် ကြာမြင့်ခဲ့သည်။

“လမ်းမှာ ဖာလာပင်တွေနဲ့ ဆူးပင်တွေနဲ့ အများကြီး။ ကျွန်တော်ဒီရောက်တော့ ခြေထောက်ထဲကနေ ဆူးတွေထုတ်တာ အချောင်း (၃၀) ကျော်တယ်”ဟု ဂျိုးလေးက ရယ်မောလျက်ပြန်ပြောပြသည်။

ယခုကဲ့သို့ပြန်ပြောပြနေသည့် ဂျိုးလေးသည် ၎င်း (၉)တန်းအောင်ပြီးနောက် ရဲတပ်ဖွဲ့သို့ဝင်ရောက်ခဲ့ပြီး ရဲတပ်ဖွဲ့အတွင်းမှပင် ဆယ်တန်းဖြေဆိုကာ တက္ကသိုလ်ဆက်တက်မည်ဟု ရည်မှန်းထားခဲ့သည်။

တက္ကသိုလ်မှ ဘွဲ့ရပြီးချိန် ရဲတပ်ဖွဲ့မှထွက်ပြီး ကိုယ်ပိုင်စီးပွားရေးလုပ်ရန် ရည်မှန်းထားခဲ့သော်လည်း ၎င်းဝင်ပြီးသိပ်မကြာမီ စစ်တပ်ခေါင်းဆောင် မင်းအောင်လှိုင်၏အာဏာရူးမှုကြောင့် အိပ်မက်များမှာ နေထွက်လာချိန် ပျောက်ကွယ်ရသည့် မြူနှင်းများသဖွယ်ဖြစ်ခဲ့ရသည်။

မင်းအောင်လှိုင်အာဏာသိမ်းပြီးနောက် အချိန်ကြာလာသည်နှင့်အမျှ ပြည်သူလူထုကို နှိပ်စက်သတ်ဖြတ်မှု အများအပြားဖြစ်လာသည်ကို ဂျိုးလေးအနေဖြင့် မကြည့်ရက်နိုင်တော့။

ထို့ကြောင့် ကရင်နီ(ကယား)ပြည်နယ်အခြေစိုက် တော်လှန်ရေးအဖွဲ့တစ်ခုဖြစ်သည့် Karenni Generation Z (KGZ) အဖွဲ့နှင့်ကြိုတင်ချိတ်ဆက်ပြီး CDM စဝင်ခဲ့သည်။

၂၀၂၁ ဆောင်းတွင်းမနက်ခင်းက စခန်းကိုစွန့်ခွာလာချိန် ကြောက်စိတ်များရှိခဲ့သည့် ဂျိုးလေးသည် (KGZ) အဖွဲ့ ထံရောက်ပြီးနောက် ထိုကြောက်စိတ်များပျောက်ကာ ရှေ့တန်းသို့ပင်ထွက်ချင်နေခဲ့သည်ဟု ဆိုသည်။KGZ သို့ ၎င်းဝင်ရောက်ချိန် ဂုဏ်ပြုချီးမြှင့်ငွေ သိန်း (၃၀) ရရှိခဲ့သည်။

“သူက CDM ဆိုတော့ အစပိုင်းသူကို ခဏလေး ထိန်းသိမ်းထားတယ်ပေါ့။ တစ်လ၊ နှစ်လလောက်ကြာတော့ယုံကြည်မှု နည်းနည်းပါးပါးရလာတော့ ကျွန်တော်တို့ သူ့ကို ရှေ့တန်းတွေဘာတွေပို့တယ်”ဟု KGZ အဖွဲ့၏ ဒုတိယအတွင်းရေးမှူး ဗိုလ်စောက ဂျိုးလေးဝင်လာပုံအကြောင်း ပြောပြသည်။

ထို့နောက် ဂျိုးလေးအနေဖြင့် ရှေ့တန်းစစ်မြေပြင်သို့ ထောက်ပို့ တပ်သားအဖြစ် စတင်ဝင်ရောက်ခဲ့သည်။“ကျွန်တော်ရှေ့တန်းစလိုက်ရတုန်းကတော့ သေနတ်လည်းမရှိဘူးပေါ့ဗျာ။ ကျည်ဆံလွယ်အိတ်လေး လွယ်ပြီးတော့ သူတို့ပစ်နေ၊ ခတ်နေတဲ့ ရှေ့တန်းအထိ ကျည်ဆံတွေသွားပို့တယ်၊ ရေသွားပို့တယ်၊ ထမင်းတွေသွားပို့တယ်”ဟု ဂျိုးလေးက ပြောသည်။

ရှေ့တန်းစထွက်ပြီးနောက် ဆရာသမားဖြစ်သူတို့၏ သင်ပြမှုများကြောင့် တိုက်ပွဲများအတွင်း စနိုက်ပါဖြင့်ပါ ပစ်ခတ်မှုများ လုပ်လာနိုင်ခဲ့သည်။ရှေ့တန်းအတွက် ထောက်ပို့လုပ်လာခဲ့သူအနေဖြင့် လက်ရှိအချိန်တွင် တိုက်ပွဲများစွာကို ဆင်နွှဲခဲ့ပြီး တိုက်ပွဲမည်မျှဆင်နွှဲခဲ့သည်ကို ရေတွက်ရန်မလွယ်ကူတော့ဟု ဆိုသည်။

“ကျွန်တော်ခံယူချက်ကတော့ ပြည်သူလူထုကိုထိတာကို နည်းနည်းလေမှမကြိုက်ဘူး၊ အရင်တုန်းကတော့ မသိခဲ့ဘူးပေါ့။ ဒီကယားပြည်နယ် KGZ အဖွဲ့ထဲကိုစရောက်တော့ အိမ်တွေကိုမီးရှို့တယ်၊ ပြည်သူလူထုကို အကြောင်းမဲ့သတ်ဖြတ်တယ်။ ပိုပြီးတော့စိတ်နာတယ်ဗျာ၊ ပိုပြီးတော့ နာကျည်းတယ် စစ်တပ်ကို”ဟု ၎င်းက ပြောသည်။

၎င်းကြုံတွေ့ခဲ့ရသည့် တိုက်ပွဲများအနက် နာရီနှင့်ချီသည့် တိုက်ပွဲကြီးများ၊ ဒီးမော့ဆိုရဲစခန်းကို တိုက်ခိုက်သည့် တိုက်ပွဲများအပြင် အခြားတိုက်ပွဲကြီးများကိုလည်း ဝင်နွှဲခဲ့သည်ဟု အားရစွာပြောပြသည်။တိုက်ပွဲများအတွင်း ၎င်းယူဆောင်လာခဲ့သည့် မြို့နယ်အတွင်း (၃) လက်သာရှိသည့် စစ်ကောင်စီရဲတပ်ဖွဲ့၏ စက်သေနတ်ကလည်း အကျိုးအင်မတန်ရှိလှသည်။

“ဒီစက်လက်က ပွဲတစ်ပွဲလုံးကို ထိန်းနိုင်တဲ့အနေအထားဗျ”ဟု ဂျိုးလေးက ပြောသည်။လက်ရှိအချိန်၌ ၎င်းကို တော်လှန်ရေးရဲဘော်များက အချင်းချင်း ဂျိုးလေးဟု မခေါ်ဘဲ CDM ဟုသာ ခေါ်ကြသည်။

CDM လုပ်လာပြီးမှ အကြမ်းဖက်စစ်ကောင်စီတပ်ကိုအမြစ်ဖြတ်ချင်ပြီး ရှေ့တန်းထွက်ချင်လွန်းလှသည့် ဂျိုးလေးအနေဖြင့် အသည်းနှလုံးမာလွန်းလှသူမဟုတ်ပေ။
မိခင်ဖြစ်သူမှာ ဆုံးပါးသွားပြီး ဖခင်သာရှိတော့သူဖြစ်သည့်၎င်းအတွက် ရှေ့တန်းတစ်နေရာ၌တွေ့ခဲ့ပြီး တကောက်ကောက်လိုက်လာသည့် ခွေးပေါက်လေး (၃) ကောင်ကို စခန်းသို့ ခေါ်ယူမွေးစားခဲ့သည်။ထိုခွေးလေးများကိုလည်း ဂျက်ကီ၊ မဲလုံးနှင့် ဗထူးဟူ၍ နာမည်ပေးခဲ့သည်။

ထိုကဲ့သို့ သူစိမ်းခွေးလေးများကိုပင် ချစ်မြတ်နိုးသည့် ဂျိုးလေးအတွက် ရင်းနှီးခဲ့သည့် ဆရာနှင့် ရဲဘော်များ မျက်စိရှေ့၌ပင် သေဆုံး၊ ထိခိုက်မှုများရှိခဲ့ခြင်းကြောင့် ဝမ်းနည်းပက်လက် ဖြစ်ခဲ့ရသည်။“ဒီလိုအခြေအနေမျိုးတွေကျတော့လည်း ကိုယ့်တိုင်းရင်းသား၊ ကိုယ့်လူမျိုးတွေအတွက် တာဝန်ကျေသွားတယ်လို့ သဘောထားပြီး ဖြေသိမ့်တယ်ဗျ”ဟု ဝမ်းနည်းစွာဖြင့် ထစ်ထစ်ငေါ့ငေါ့ ပြန်လည် ဖြေကြားခဲ့သည်။

၎င်းစိတ်ပါဝင်စားသည်မှာ စက်ပစ္စည်းများ ပြုပြင်၊ တပ်ဆင်ရခြင်းဖြစ်ပြီး တော်လှန်ရေးပြီးလျှင် ၎င်းမိသာစုနှင့် ပျော်ပျော်ရွှင်ရွှင်ပြန်နေချင်သည်ဟု ဆိုသည်။ထိုကဲ့သို့ စက်ပစ္စည်းများ ပြုပြင်ရသည်ကို ဝါသနာပါသည့် ဂျိုးလေးသည် အဖွဲ့အတွင်း ရောက်သည့်အချိန် စက်ပစ္စည်းပြင်ရသည်ထက် ရှေ့တန်းထွက်ချင်သည့်စိတ်က ပိုများနေသောကြောင့် ရှေ့တန်းသို့သာ ဆက်တိုက်ထွက်နေသည်။

“ကျွန်တော်က စစ်ကောင်စီ အမြစ်မြန်မြန်ပြတ်နိုင်ဖို့က ပိုအရေးကြီးတယ်ထင်လို့ ရှေ့တန်းမှာ သွားလာလှုပ်ရှားပြီးတော့ ရှေ့တန်းမှာပဲအနေများတယ်”ဟု ဂျိုးလေးက ပြောသည်။ယခု အင်တာဗျူးဖြေချိန်၌လည်း ၎င်းရှေ့တန်းမှ ပြန်ရောက်၍ အနားရနေသည့်အချိန်ဖြစ်သောကြောင့် ဖြေခွင့်ရခြင်းဖြစ်သည်ဟု ဆိုသည်။
“KGZ အဖွဲ့နဲ့ သူနဲ့လည်း အပြည့်အဝယုံကြည်မှုရှိတယ်ပေါ့နော်။ တိုက်ပွဲဝင်တဲ့အနေအထားကတော့ ကောင်းတယ်။ KGZ အဖွဲ့သားတွေနဲ့လည်း အတူတူပေါ့ အဲလိုအနေအထားတော့ ရှိတယ်”ဟု KGZ ၏ ဒုတိယအတွင်းရေးမှူး ဗိုလ်စောက ဂျိုးလေးအပေါ် ၎င်း၏ အမြင်ကို ပြောသည်။

ထိုကဲ့သို့ အဖွဲ့သားများနှင့် ယုံကြည်မှု၊ အပြန်အလှန်နားလည်စိတ်များရှိခဲ့သော်လည်း အထွေးဆုံးသားဖြစ်သည့် ၎င်းကို အမ(၃) ယောက်၊ အကို (၃) ယောက်က CDM လုပ်ပြီးနောက် အဆက်အသွယ်မလုပ်တော့ပေ။“သူတို့က ကျွန်တော် CDM လုပ်တာ သဘောမကျကြဘူး၊ အဲတော့ ဘယ်သူမှ အဆက်အသွယ် မလုပ်ကြတော့ဘူး”ဟု ဂျိုးလေးက ပြောသည်။

သို့သော်လည်း ၎င်းက ပြည်သူဘက်မှရပ်တည်၍ CDM လုပ်ရန်ရည်ရွယ်ထားသူများနှင့် ပြည်သူများကို ယခုကဲ့သို့ တိုက်တွန်းထားသည်။“CDM မလုပ်သေးတဲ့ ညီအကိုတွေအားလုံး၊ CDM အမြန်ဆုံးလုပ်ပေးကြပါလို့ တောင်းဆိုချင်ပါတယ်။ ကျွန်တော်တို့က ပြည်သူလူထုကို အားကိုးပြီးနေနေရတာဆိုတော့ ဒီထက်မကပေါ့နော် မည်သည့်အဖွဲ့ကိုမဆို တတ်နိုင်သမျှ ပါဝင်ပေးကြပါလို့ ပြည်သူလူထုကို တောင်းဆိုချင်ပါတယ်ဗျ”

Crd

Leave a Reply

Your email address will not be published.