အိမ်ပြန်ချင်တယ်လို့ ငိုပြီးပြောနေတဲ့ သားကို ဘယ်လိုဖြေသိမ့်ရမလဲလို့ ရေးသားဖေါ်ပြလာခဲ့တဲ့ မင်းမော်ကွန်း
လွမ်းဆွတ်တမ်းတဖွယ် ကဗျာလေးတစ်ပုဒ်ကို ရေးသားလိုက်တဲ့ မင်းမော်ကွန်း ပရိသတ်ကြီးရေ မြန်မာပြည်ရဲ့ ထိပ်တန်းမင်းသားတွေထဲမှာ တစ်ဦးအပါအဝင်ဖြစ်တဲ့ မင်းမော်ကွန်း ဟာ
လက်ရှိမှာ ပုဒ်မ ၅၀၅ က နဲ့ တရားစွဲဆိုခံထားရတာကြောင့် ဘေးကင်းရာ လွတ်မြောက်နယ်မြေကို မိသားစုနဲ့အတူ ရောက်ရှိနေပါတယ်။
သရုပ်ဆောင် မင်းမော်ကွန်း ရဲ့ လူမှု့စာမျက်နှာအကောင့်ဟာ တစ်လနီးပါး အပိတ်ခံထားရတာကြောင့် ပရိသတ်တွေကို သိစေချင်တဲ့ အကြောင်းအရာလေးတွေကို ဒါရိုက်တာ သည်ခေတ်နေမှ တစ်ဆင့်တင်ပေးနေတာလဲ ဖြစ်ပါတယ်။
မင်းမော်ကွန်း ဟာလွမ်းဆွတ်တမ်းတဖွယ် ကဗျာလေးတစ်ပုဒ်ကို ပရိသတ်တွေအတွက် မျှဝေပေးထားတာ ကို တွေ့ရပါတယ်။
ကိုကျော် ရဲ့ ဖေ့ဘွတ်အကောင့်က ပိတ်ခံထားရတာကြောင့်ဝန်ကြီးဌာနတစ်ခုရဲ့ application အတွက်ကိုယ်တိုင် ရေးပေးထားတဲ့ကဗျာလေးကို ဒါရိုက်တာ သည်ခေတ်နေ ရဲ့လူမူ့ကွန်ယက်မှတစ်ဆင့် အခုလိုပဲ ရေးသားထားတာပါ
ဆောင်းတွင်း ကဗျာ မင်းမော်ကွန်း ဒီရက်ပိုင်းမှာ ဆောင်းတွင်းစတယ်ဆောင်းတွင်းဟာစတယ် ဆိုရင်ပဲ တောတောင်ရေမြေအပေါင်းကို သူ့ရဲ့အေးစက်မှုနဲ့ ပွတ်သတ်တော့တယ်
တစ်မိုးလုံးသန်လာတဲ့မြက်ရိုင်းတွေ ပွင့်တဲ့အခါ မြင်ကွင်းတွေဝေဝေဆာဆာ တစ်မိုးလုံးစီးခဲ့တဲ့ ချောင်းငယ်လေးမရှိတော့တဲ့အခါ ဘာကိုလွမ်းလို့ လွမ်းရမှာ ဘာလိုလိုနဲ့ နွေဦးကစခဲ့တဲ့
တော်လှန်ရေးဟာ သုံးရာသီပြောင်းခဲ့ပြီ ဒီဆောင်းက ပိုရက်စက်တယ် အိမ်ပြန်ချင်တယ်လို့ ငို နေ တဲ့ သားကို ဘယ်လိုဖြေသိမ့်ရမလဲ
မသိခင်မှ သူဟာတောထဲကျင့်သားရသွားရှာ အနာဂတ်မပါကိုယ်ကျိုးစီးပွားမပါ စီးနေကျဖိနပ်လေးတောင်မပါတဲ့ ငါ့ရဲ့တော်လှန်ရေးမီးက လောင်အားကောင်းလွန်းတော့
ဆောင်းတွင်းကိုအားနာမိ ဒီဆောင်းတွင်းမှာ ဒီဇင်ဘာမှာ ငါတို့မအေးချမ်းကြဘူး ရင်ဘတ်က ၈၀ဒီဂရီ နှလုံးသားကေတာ့ Over Heating ဖြစ်လို့ခဏလောက် Shut Down လုပ်ထားရတယ်
လည်ချောင်းကတော့ ညှီစို့စို့တောအရက်နဲ့ သံဝါသပြုခဲ့သမျှ ဒီဆောင်းတွင်းညတွေမှာ ဝီစကီလေးတစ်ခွက်လောက်ကို ဆာလောင်လို့ လို့ လွမ်းဆွတ်တမ်းတဖွယ် ကောင်းစွာ ရေးသားထားတာကို တွေ့ရပါတယ်နော်။
ပရိသတ်ကြီးရေ အိမ်နဲ့ဝေးကွာနေတာကြောင့် တစ်ခါတစ်ရံ အိမ်ကိုလွမ်းမိတဲ့ အခိုက်အတန့်တွေ ရှိတတ်ပါတယ်။
ဒါကြောင့် သရုပ်ဆောင် မင်းမော်ကွန်းအတွက် အားပေးစကားလေးတွေ ကောမန့်မှာ ရေးသားသွားပေး ခဲ့ပါအုန်းနော်။
Credit
