အမေရိကန် နယူးယောက်မြို့မှာပြုလုပ်သည့် ၇၇ နှစ်မြောက် အတိုင်ပင်ခံဒေါ်အောင်ဆန်းစုကြည်၏မွေးနေ့ မြင်ကွင်းမှတ်တမ်း

ဇွန်လ ၂၀ ရက်နေ့။

အတိုင်ပင်ခံဒေါ်အောင်ဆန်းစုကြည်ရဲ့ ၇၇ နှစ်မြောက်မွေးနေ့ကို အမေရိကန်နယူးယောက်မြို့တွင် NYCBC (New York City Burmese Community) နှင့် H2B (Helping Hands for Burma)၊

အဖွဲ့တို့က ဇွန်လ(၁၉)ရက် နေ့ (မြန်မာစံတော်ချိန် ဇွန် ၂၀ ရက်နေ့) နယူးယောက်ရှိ Flatiron Public Plaza တွင် မွန်းလွဲ ၃ နာရီ ၃၀ မိနစ်မှ ညနေ ၅ နာရီ ၃၀ မိနစ်အထိ ကျင်းပပြုလုပ်ခဲ့တာဖြစ်ပါသည်။

မွေးနေ့ပွဲကို ကုလဆိုင်ရာ မြန်မာအမြဲတမ်းသံအမတ်ကြီး ဦးကျော်မိုးထွန်းနဲ့အတူ အမေရိကန်နိုင်ငံ နယူးယောက်မြို့နေ မြန်မာနွယ်ဖွား တိုင်းရင်းသား ၁၀၀၀ နီးပါး တက်ရောက်ကြတယ်လို့ ဆိုပါသည်။

စစ်ကောင်စီက ဖမ်းဆီးထိန်းသိမ်းထားတဲ့ ပြည်သူ့ခေါင်းဆောင်အတိုင်ပင်ခံ ဒေါ်အောင်ဆန်းစုကြည်နဲ့အတူ ပြည်သူတွေအားလုံး အမြန်ဆုံးလွတ်မြောက်ရေးကို နိုင်ငံတကာကအလေးအနက် ကူညီကြဖို့လည်း … အဲဒီပွဲမှာတောင်းဆိုခဲ့ကြသလိုဘာသာကြီးလေးခုက ဦးဆောင်သူအချို့ကဆုတောင်းမေတ္တာပို့သခဲ့ကြပါသည်။